(11 abestiz osatutako lanari izena ematen dion abestiaren testua)
Udaberria zen, jai bat, bris-brisa begietan
Zirrararen besoetan, ezin egin atzera
Hitz gozoak, ferekak, amodioz mela mela
Ustez bizitza osoa izango zela horrela
Udak kiskali orduko, hasi ziren ekaitzak
Liskarrak, gorabeherak, irainak, mespretxuak
Sargori hezea eta astuna, bihotza arnasestuka
Etsipena izerditan, zerbaiten erreguka
Egun batez handik joan zen nortara edo hartara
Burua makurtu gabe, ezin zen bizi hala
Burua makurtu gabe, tinko aurrera begira
Korua:
Burua makurtu gabe, tinko aurrera begira
Errezitatua:
Ez makurtu, ez kokildu, zuk baduzu adorea
Zaila zirudien arren, hartu duzu erabakia
Pauso batekin hasi eta, pauso bat eta beste bat
Tinko, sendo, irmo, indartsu, pauso guztiak segidan
Motxilan sartu bihotza, zure sentimentua
Zure bidelagunak, argi dago, horiek dira
Argien dantza hasi da, logelakoak itzaltzean
errepidetik joatean, ondorengo egunsentian
Istorio hau hemen nahiz han, noiznahi errepikatzen da
Edozein udaberritan, uda, negu, udazkenetan
Burua makurtu gabe, makurtu gabe, makurtu gabe
Aurrera begira, aurrera begira, aurrera begira